बजारमा खाना पकाउने ग्यासको अभाव देखिन थालेपछि प्रतिनिधिसभाको उद्योग तथा वाणिज्य, श्रम तथा उपभोक्ता हित समितिले यस विषयमा छलफल गर्ने भएको छ।

समितिको बैठक आज बिहान १० बजे बस्ने तय भएको छ। बैठकमा बजारमा देखिएको ग्यास आपूर्ति समस्या र यसको व्यवस्थापनबारे छलफल हुने कार्यसूची रहेको छ।

छलफलका लागि उद्योग, वाणिज्य तथा आपूर्ति मन्त्री गौरीकुमारी यादव तथा मन्त्रालयका सचिवलाई समितिले आमन्त्रण गरेको छ।

बैठक प्रतिनिधिसभाअन्तर्गत उद्योग तथा वाणिज्य, श्रम तथा उपभोक्ता हित समितिको सभाकक्षमा बस्नेछ।

पछिल्लो समय बजारमा खाना पकाउने ग्यासको अभाव भएपछि उपभोक्ताले समस्या भोगिरहेका छन्। यही अवस्थालाई मध्यनजर गर्दै समितिले सम्बन्धित मन्त्री र मन्त्रालयका अधिकारीसँग आपूर्ति व्यवस्थापनबारे छलफल गर्न लागेको हो।